قساة الكون في عيني وقلبي ما إهتنى وما إلتم
قسى هالوقت يا قلبي وضيّع كل راحاتي
جروحي فوق طاقاتي بكيت وفي عيوني دمع
رضيت آنا على القسوه وضاعت كل بسماتي
تعبت / وما صدق حظي وفوق الهم أشيل الهم
صغيره في العمر آنا وكبيره حيل مأساتي
محد يدري عن أخباري محد في دنيتي مهتم
وحيده أمشي مع همّي وكبير الحزن في ذاتي
سمع قلبي عن الراحه واهيّه من الوهم أوهم
أعيش آنا بوسط واقع نهاياتي في بداياتي
ياليت تفيدني الحسره ياليت أرتاح لو أندم
صعب أرتاح في الدنيا حزين بكل حالاتي
سفينه من الصعب ترسى واهي من الموج تتحطم
أشوف البحر في عيني لقيت الموج دمعاتي
كتير قلوب غرقانه واهي من الوقت ما تسلم
بحر هالوقت هم يغدر وهذا معنى كلماتي
يا قلبي الطيب ما ينفع عشاني ركّز وإفهم
أنا ملّيت أعلّم فيك وإنت تزيد آهاتي
أمانه كان لي خاطر من اللّي صار تتعلم
ويا قلبي إترك الطيبه بعد قصة معاناتي
