لا يا يمة ما بكيت!
كنت أمزح ..بس أمزح !
كانت النية وربي أدفن شحوبي ..
وافرح
وغارت الدمعة .. وطاحت !
ما قويت آردها ..يمه استحيت.!!
وانتي علّمتيني إني أروي اللي من وفاهم ما رويت !
يمّة ودموعي وفيه ..دايم تذكرني بـ جرحي إن نسيت
هذا يمة ( إن نسيت ) !
عاد قولي لي ..
هو بقى به شي واحد يستحق أبكي عليه ؟!
إلاّ يمّة .. هو أنا اللي استحق أبكي عليهه !
لا تقولي لي : غبيه.!!
اضحكي للدنيا غنّي !
يمه يمكن ما دريتي .. إني دايم أرتوي بالدمع لامنّي ظميت !
إيييييييييه يمّه
أدري طفلة !
بس طفلة جابها للحزن جرحٍ متعِب ..وجدا ( مميت ) !
إي أنا كنّي نسيت .. إنّي أصلاً ما بكيت !
بس دمعي حيل اشتاق لـ كفوفي ..
وقمت آهدهد له وأقول :
( لا يشوفونك دخيلك ... وإن شعرت إنّي بمرّك ..
سو نفسك ما دريت !
" بشكرك " لامن عصيت ! )
وانتي يمّه :
لا يضيق بـ يوم صدرك لو هو استكثرني كذب!
و مرّني في يوم واله !
لك وعد منّي يا يمّه ..إني بضحك
......لو على جرحي غفيت!
.............. لو على جرحي غفيت !
..............لو على جرحي غفيت .!!
